Mрежата “CommonTrust“ и Светски Економски Форум, во рамки на проектот “The Commons Project“ ja создадоа апликацијата “CommonPass“, со цел воспоставување на интероперабилна платформа за взаемно признавање на вакциналните потврди и лабораториските тестови за Ковид-19 меѓу државите. Министерството за здравство на Република Северна Македонија како поддржувач на развојот на технолошки решенија базирани на меѓународни стандарди, се приклучува кон мрежата “CommonTrust” за издавање на дигитални здравствени сертификати преку новата апликација “CоmmonPass“.
Фискална стратегија, како и Стратегијата за управување со јавниот долг на Република Северна Македонија за 2022-2024, со изгледи до 2026 година, се усвоени на вчерашната седница на Владата.А исто така, утврдена предлог одлука за продолжување на кризната состојба до 31 декември.
Во јуни треба да пристигнат околу 110 илјади Фајзер вакцини преку Ковакс системот и околу 80 илјади преку нашиот директен договор. Во овој момент се пријавени 180 илјади граѓани кои чекаат да добијат термин, а 40 илјади се над 60 години, информира министерот за здравство, Венко Филипче. Во вчерашното гостување на ТВ Телма, Филипче кажа дека она што се очекува, според последните најави, е од вакцината „Синовак“ која што денеска ја одобри Светската здравствена организација, во нашата земја да стигнат 500 илјади дози.
Вакцинацијата на сите пунктови низ државата, според здравствените власти, се одвива непречено, а интересот секојдневно се зголемува. Активноста, како што тврдат нема да запре со оглед на најавите дека ќе пристигнат нови количини вакцини, а има доволно вакцини и за втора доза. Досега за вакцинација се пријавени над 433 илјади.
Во пресрет на лидерскиот самит на земјите – членки на Алијансата кон средината на месецов, вчера попладне преку заштитена видео-конференциска врска се одржа состанок на Северноатлантскиот совет на ниво министри за одбрана на кој учествуваше министерката Радмила Шекеринска. Шекеринска вели дека од самитот на НАТО се очекуваат амбициозни одлуки кои ќе ја направат Алијансата посилна.
Министерката за образование и наука Мила Царовска на гостување на утринската програма на Сител рече дека со кампањата “Учи паметно работи стручно”, после многу години се обновува врската, се враќа соработката и довербата помеѓу средните стручни училишта и компаниите. До минатата година имавме само 11 дуални паралелки, сега отвораме 97 дуални паралелки, вели таа.
М. Миткоска
