Панел дискусија на тема „Каква е улогата на граѓанските организации во општествено-политичките процеси?“ ќе се одржи денеска во организација на ЦИВИЛ.
– Говорниците, претставници на граѓански организации на панел дискусијата ќе зборуваат за јавната перцепцијата за граѓанските организации, каков е нивниот удел во политичките и општествените процеси, дали граѓаните ги доживуваат како „фолиранти“ или „прогресивци“, колку се транспарентни во нивната работа и низа други прашања што се однесуваат на улогата и придонесот на граѓанските организации во политички и општествен контекст, посочуваат од ЦИВИЛ.
ЦИВИЛ постави и две прашања на Фејсбук страницата на организацијата каде побара во своите одговори граѓаните да бидат искрени што мислат за граѓанските организации и дали ги претставуваат „фолиранти“ или „прогресивци“.
– Нивните мислења ќе бидат споделени на панел -дискусијата. Настанот ќе го модерира Зоран Иванов, а меѓу учесниците на панелот ќе присуствува и извршниот директор на МЦМС, Александар Кржаловски, Џабир Дерала од ЦИВИЛ, Валентина Дисоска, претседателка на Здружение на бизнис жени, м-р Милан Петковски, претседател на Македонско здружение за заштита при работа, Ненад Јовановиќ, граѓански активист и колумнист на Слободен печат, наведуваат од ЦИВИЛ.
Настанот ќе биде емитуван во живо на Фејсбук страницата и на видео каналот на ЦИВИЛ, а ќе се одржи без публика.
Панел–дискусијата е дел од активностите на ЦИВИЛ во програмата на ЦИВИКА Мобилитас.
