Во Охрид има висока концентрација на највисоки функционери од целиот Балкан па и од ЕУ и САД. Атмосферата е одлична – луѓето се опуштени. Програмата е многу густа, и тука е можеби единствениот пропуст кој што го направи организаторот. Она што сепак е најважно се оние средби кои се одвиваат вон официјалната агенда – билатерални, мултилатерални. Гостите се пријатно опуштени и ваква атмосфера е атмосфера која што секој организатор ја посакува. Без разлика на ранговите кои што ги имаат има едно инзворедно расположение, изјави главниот и одговорен уредник на Утрински брифинг, Сашо Орданоски и додава дека впечатокот е дека Македонија добива неверојатен број на комплименти. Многу се инвестираше во сето тоа што е постигнато.
– Вчера беше директорот за европските земји на бугарското МНР и штета е што заради нашата состојба со Бугарија, овдека нема високи претставници од Бугарија и можеби е штета што нема никој од македонската опозиција. Ќе беше убаво да имаше барем пратеници, функционери од опозицијата, бидејќи и за нив ова ќе беше шанса да оставарат контакти, додава Орданоски.
Разговорот со главниот уредник на Утрински брифинг Сашо Орданоски погледнете го во видеото:
извор: слободенпечат.мк
