Студентското собрание на Филозофскиот факултет, на седница одржана на 18-12-2019, не го изгласа барањето на „Иницијативата за застапување на ЛГБТИ студентската заедница во високото образование“ за обезбедување простории за вршење на проектните активности, пишуваат на својот блог студентите на родови студии од Филозовскиот факултет во Скопје.
Донесената одлука на Собранието е спротивна на принципите на слобода од дискриминација, нееднаквост и инклузија со што се прекршени одредбите наведени во законските одредби од Законот за високо образование и статутарните одредби од Статутот на УКИМ и Филозофскиот факултет, член 3 точка 5 – Почитување на човековите права и слободи и гарантирање на принципот на еднаквост и заштита од дискриминација; член 4, точка 7. од Законот за високо образование посебно членовите 6, 9, 16 и 17 од Статутот на Универзитетот „Св. Кирил и Методиј“ во Скопје со кои на Универзитетот и на единиците се забранува кој било облик на директна и индиректна дискриминација и вознемирување и членот 11 од Статутот на Филозофскиот факултет – Скопје, УКИМ, во кој се гарантира слобода од дискриминација, нееднаквост и инклузија.
Против оваа одлука ќе биде покрената соодветна постапка пред надлежните органи на Универзитетот и Филозофскиот факултет.
