Градоначалникот на Град Скопје, Петре Шилегов, придружуван од градоначалникот на општина Кисела Вода, Филип Темелковски вечерва беше на маалска средба со граѓаните на Кисела Вода.
Осврнувајќи се на досегашниот период, Шилегов наведе дека и во Кисела Вода и во другите скопски општини се инвестира во важни капитални проекти. – Изминативе 4 години целосно ги реконструиравме улиците Антон Попов, Бихачка, Црниче Востаничка и Жарко Зрењанин. Изградивме кружен тек на раскрсницата на бул. Србија со ул. Христо Татарчев. Во завршна фаза влезе изградбата на ул. Есенинова, а започнавме и со изградба на бул. Борис Трајковски од Пинтија до Драчево, истакна Шилегов. – Само во Кисела Вода успеавме на местата на некогашните диви депонии да подигнеме над 22.000 метри квадратни нови паркови површини каде се засадени над 1000 садници.
Ги реконструиравме средните градски училишта Браќа Миладиновци и Васил Антевски Дрен, а обезбедивме и прочистувачи за воздух во секоја училница, додаде Шилегов. Шилегов потенцираше дека дека СДСМ како и на секои избори па така и на претстојните ќе понуди најдобра кадровска и програмска понуда и тоа ќе биде препознаено од граѓаните. – СДСМ постојано е со граѓаните и меѓу граѓаните, каде што е нашето место, презентираме што е сработено, но исто така и ги слушаме сугестиите на граѓаните за што може дополнително да се направи во наредниот период. СДСМ е најдобриот избор на граѓаните. Најдобриот затоа што сите општини се развиваат рамномерно, затоа што СДСМ има визија и концепт, затоа што реализирани се над 63 отсто од проектите кои СДСМ ги вети во изборните програми, посочи Шилегов.
