Албанскиот премиер Еди Рама, во врска со континуираните одложувања на отворањето на пристапните преговори за членство на Албанија и Северна Македонија во ЕУ, двете земји ги споредува со ликовите од драмата „Чекајќи го Годо“, а ЕУ со нејзиниот автор Семјуел Бекет. Додава дека не е ниту оптимист, ниту песимист, туку едноставно реалист.
Точно пред четири години, беше донесена одлуката за воведување на дневната евтина тарифа на струјата секој работен ден од 14 до 16 часот. Само со оваа мерка, годишно граѓаните заштедуваат околу 16 милиони евра, односно, за четири години тоа е заштеда од вкупно 64 милиони евра, пари кои останале во семејните буџети на граѓаните, истакна а прес-конференција Коле Чаракчиев, член на Комисија за енергетика на СДСМ и пратеник.
Министерот за здравство Венко Филипче информира дека засега само американската агенција има дадено препорака за трета доза на Фајзер вакцина, но кај имуно компромитирани пациенти. Тоа се, како што рече, пациенти кои се трансплантирани и оние со хронична дијализа. Филипче посочи дека според анализите, трета доза на Фајзер вакцина – бустер доза значајно ја зголемува нејзината ефикасност.
Честитки до целата филмска екипа на македонскиот филм „Сестри“ – дебитантски долгометражен филм на Дина Дума, кој доби специјална награда од жирито на Филмскиот фестивал во Карлови Вари, Чешка, напиша Премиерот Заев на својот Фејсбук профил. Горд сум што успесите на нашите млади таленти се прифатени и во светски рамки и тоа е уште една причина во континуитет да ги поддржуваме, напиша тој.
Илјадници корисници на социјалните мрежи, но и повеќе десничарски медиуми во САД и светот, споделуваат видео, во кое се шпекулира дека претседателот на САД, Џо Бајден заспал за време на состанокот со премиерот на Израел, Нафтали Бенет, кој се одржа во петокот, 27 август во Белата куќа во Вашингтон. Овие лажни објави ги земаа здраво за готово и дваесетина македонски медиуми, меѓу кои и неколку што важат за сериозни и професионални.
М. М.
