Засега, не гледаме дека училиштата се ризик во однос на епидемиолошката состојба во земјава, рече на денешната прес конференција министерот за здравство, Венко Филипче.
„Сите служби во Министертството за образование и наука се активни. Ги собираат сите податоци на дневна основа, веднаш ги споделуваат со нас и со ДСЗИ и засега не гледаме дека училиштата се ризик во однос на епидемиолошката ситуација, односно здравјето на децата…До крајот на минатат недела има информација дека во 4 скопски општини во по две училишта има заболено по едно дете со мал број на контакти, денес има регистрирано едно дете во Велес и уште едно во Скопје. Навистна е мал бројот на деца кои заболеле“, рече Филипче.
Министерот информираше и дека сите починати млади пациенти како последица од ковид 19 не биле вакцинирани. Филипче ги повика младите да се вакцинираат, за себе, за другите.
„Во четврок ќе се отвори пункт во рамките на кампусот на Универзитетот Св.Кирил и Методиј, каде со кадарот од универзитетската абуланта ќе се врши вакцинација и на младите“, рече Филипче.