Неколку козметички салони кои имаа фотографии од жени на нивните надворешни делови додека Талибанците ја презедоа контролата врз Кабул на почетокот од оваа година, продолжуваат со работа, со слаб благослов на исламистичката група.
Во она што беше еден од највидливите знаци на претстојните промени во секојдневниот живот на милиони Авганистанци кога западните воени сили се повлекоа по 20 години, работниците беа фотографирани како ги пречкртуваат и изменуваат фотографиите на жени надвор од салони за убавина и други продавници. Во некои случаи, фотографиите беа дури и исчистени или симнати од ѕидовите, бидејќи жените се плашеа за своите права и животи под режимот на талибанците.
Кога се појавија вести дека претседателот на Авганистан побегнал од Кабул, сопственичка на салон за убавина во главниот град порано затворила.
„Морав да отпуштам 15 од моите вработени“, изјави 23-годишната девојка за VICE World News преку WhatsApp. „Почувствував дека мојот живот е целосно запрен“.
На друга шминкерка во нејзините рани дваесетти години, ѝ бил вандализиран салонот за убавина во рок од 24 часа по преземањето на талибанците, додека смртните закани ја навеле да го деактивира својот Инстаграм профил што го користела за промовирање на нејзиниот бизнис.
Шминкерката, родена само неколку дена по инвазијата предводена од САД во 2001 година, го започнала својот бизнис дури во 2020 година, а само неколку недели пред падот на Кабул била ангажирана да ја шминка Аријана Саид, позната пејачка во Авганистан, која беше принудена да бега.
Во следните денови и недели, правата на жените претрпеа ужасно големи промени. На девојчињата и на жените им беше забрането да одат во средно училиште и универзитети, на повеќето жени им беше забрането да работат, а талибанските борци пукаа на протестите предводени од жени.
Но, не долго по преземањето на Талибанците, 23-годишната сопственичка на салон за убавина донела одлука и повторно го отворила својот бизнис. Како што очекувала, талибанците ѝ чукнале на вратата и и наредиле да ја затвори продавницата. И покрај тоа, следниот ден таа повторно го отворила својот салон.
„Талибанците ми рекоа да го затворам салонот и да испратам машки старател на моето семејство да заработи за живот“, рече таа. „Но, јас немам никого освен мојот стар и изнемоштен татко. Така го хранам моето семејство, што сакате да направам кога ми ги земате единствените извори на живот?“
На нејзино изненадување, жалбата успеала. Талибанските борци и рекле да нацрта превез со црно мастило над сите фотографии од жени во салонот, инаку нема да продолжи со работа. Потоа заминале и оттогаш не се вратиле. VICE World News разбира дека неколку салони за убавина можеле повторно да се отворат во овие околности.
„Прво морав да се борам со семејството за да работам, сега морам да се соочам со талибанците, одвреме-навреме“, рече 23-годишната девојка.
Нејзината кариера започнала кога глумела во реклами на локална телевизија, а оттаму се префрлила во индустријата за убавина.
„Тие беа целосно против тоа. Не сакаа ниту да го слушнат зборот шминка или убавина дома, а камоли да отворат салон за убавина“, рече жената, мислејќи на нејзиното семејство и роднините.
И покрај неуспесите, таа не се откажа и позајмила пари од пријателите за да го започне својот бизнис, кој капитализираше од бум за убавината во Кабул, поттикнат од индустријата на новите медиуми и семејствата кои трошат големи пари на свадби и други прослави, како и на растечкиот ноќен живот.
Марија Миткоска
