„Кога се планираа буџетите на општините во октомври и ноември, не планиравме толкаво зголемување на цената на електричната енергија. Верувам дека сите општини ќе треба да прават ребаланс на планираните средства за електрична енергија“ кажа градоначалникот на општина Центар, Горан Герасимовски во „Топ тема“ на Телма.
Тој додаде дека општините доставиле барање до Владата за намалување на таксите и владата излегла во пресрет со ниво намалување со цел ублажување на последиците од енергетската криза.
„Сите општини ќе треба да планираат поголеми буџети и со ребаланс да обезбедат поголеми средства за електрична енергија. Ќе кратиме од дтуги работи за да ги покриеме овие трошоци“ кажа Герасимовски.
Тој додаде дека најдобра мерка за помош од Владата на општините ќе биде субвенционирање за електричната енергија на улилиштата и градинките, кои се јавно добро.
