Русија денеска презеде мерки за делумно ограничување на пристапот до Фејсбук, соопшти руското регулаторно тело за комуникации, информации, технологија и масовни медиуми – Роскомнадзор, пренесе МИА.
Во соопштението на регулаторот се наведува дека „Генералното обвинителство, во договор со Министерството за надворешни работи, одлучило да ја прогласи социјалната мрежа Фејсбук за вмешана во кршење на основните човекови права и слободи, како и правата и слободите на руските граѓани“, пренесоа руските медиуми.
Според Генералното обвинителство, Фејсбук незаконски го ограничил ширењето на општествено важни информации за воведените санкции.
Се посочува дека Фејсбук вчера „неразумно воведе 90-дневни ограничувања на страницата на агенцијата РИА Новости поради наводно ширење лажни информации“, а содржините на четири руски медиуми – Звезде, РИА Новости, Лента.ру и Газета.ру се цензурирани на еден ден.
извор: ЦИВИЛ
