„Алекдандар Лукашенкo изврши предавство – ја направи нашата земја учесник во инвазијата врз Украина. Затоа, јас се прогласив за национален лидер на Белорусија за да го заштитам суверенитетот и независноста на нашата земја, да ја претставувам во безбедносните преговори и управувањето со кризи во регионот“, напиша на Твитер, белоруската активистка за човекови права Светлана Тихановскаја и политичарка кој учествуваше на претседателските избори во Белорусија во 2020 година како главен опозициски кандидат, откако нејзиниот сопруг Сергеј Тихановски претходно беше уапсен.
Lukashenka committed treason – he made our country a participant in the invasion of Ukraine. So I declared myself as the national leader of Belarus to protect the sovereignty & independence of our country, represent it in security negotiations & crisis management in the region. pic.twitter.com/IyQ0YOM7Kf
— Sviatlana Tsikhanouskaya (@Tsihanouskaya) February 26, 2022
Пред да се кандидира за претседателка, Тихановскаја била наставничка по англиски јазик и толкувач. Таа е мажена за јутјуберот, блогер и продемократски активист Сергеј Тихановски, кој беше уапсен во мај 2020 година и со кого има ќерка и син. Според информациите на Википедија, Тихановскаја се регистрирала како независен кандидат на 14 јули 2020 година. Ноќта пред изборите, полицијата приведувала високи претставници кои учествуваа во кампањата на Тихановскаја, а таа одлучила да се сокрие во Минск, пред повторно да се појави на денот на изборите на едно од избирачките места.
„Режимот утре го одржува нелегалниот „референдум“ за да го изврти уставот на Белорусија за да ја задржи власта. Ние, белоруските демократски сили, ги повикуваме луѓето да влезат на гласачките места низ целата земја на 27 февруари во 14:00 часот за легално да протестираат против војната и беззаконието“, пишува на Твитер налогот на активистката.
И. З.
