Денеска во Норвешкиот Нобелов комитет го номинирав украинскиот претседател Володимир Зеленски за Нобелова награда за мир за 2023 година, објави на Фејсбук профилот, шведскиот демократ Ларс Адактусон.
Како член на Парламентот, би сакал да го номинирам претседателот на Украина, Володимир Зеленски за Нобелова награда за мир во 2023 година, пишува во номинацијата.
„Во врска со инвазијата на Русија врз Украина, во февруари 2022 година, претседателот Зеленски го претставуваше својот народ и својата нација со интегритет, компетентност и голема храброст. Врз основа на хуманизизам и почит кон човечкото достоинство, во најтешките моменти, Претседателот несебично се стави на фронтот на борбата против автократијата, империјализмот и воената агресија. Преку достоинствено, посветено и одговорно политичко лидерство, Володимир Зеленски стана пример и надвор од границите на сопствената земја. Врз основа на универзалните принципи на национален суверенитет, територијален интегритет и правото на самоодбрана, претседателот се однесува со почит и кон сопствената земја и кон меѓународната заедница. Во борбата за слобода, помирување и мир, претседателот на Украина ја претставува целата демократска Европа“ пишува во номинацијата на Норвешкиот Нобелов комитет.
„Во повоениот период, Нобеловата награда за мир им се доделува на претставници во широк спектар на меѓународна мировна работа. Како одговорен лидер во праведна воена одбрана на сопствената земја, Володимир Зеленски активно придонесува за меѓународниот мир и безбедност. Претседателот на Украина би бил достоен добитник на Нобеловата награда за мир во 2023 година“, гласи официјалниот документ за негова номинација.
Инаку, Ларс Адактусон е шведски политичар и член на политичката партија Христијански Демократи. Претходно работел како новинар, а од 2014 година е избран за член на Европскиот Парламент на Европските парламентарни избори во Шведска.
Оттогаш работи во Комитетот за надворешни работи и Супкомитетот за Човекови Права. Како дел од неговите задачи во комитетот беше беше и неговата функција заменик претседател на парламентарната делегација за односи со Авганистан.
Во 2016 година, Адактусон поднесе резолуција за признавање на систематското убивање и прогон на верските малцинства на Блискиот Исток од страна на милитантната група Исламска држава (ИСИС) како геноцид, која Европскиот парламент едногласно ја усвои.
Обработка: Фронтлajн ( М.М/ И.З )
