Според ОН, повеќе од еден милион луѓе ја напуштиле Украина откако почна руската инвазија, додека ЕУ проценува дека до четири милиони луѓе може да се обидат да ја напуштат земјата.
Полска досега прими повеќе од 575.000 луѓе, соопшти полската гранична стража.
Само вчера во Полска влегле 95.000 луѓе од Украина, што е малку помалку од рекордното ниво во понеделникот од 100.000 бегалци.
До денес во 06:00 часот по Гринич, уште 27.100 луѓе ја минале границата.
Во Полска живее голема украинска заедница која брои меѓу еден и два милиони, а многу луѓе кои бегаат од војната ќе се сместат кај семејствата или пријателите.
Оние кои немаат каде да останат се превезуваат во импровизирани сместувачки центри во противпожарни станици и спортски сали низ земјата.
Многу Полјаци исто така нудат да сместат бегалци во нивните домови. /МИА/
