Од воените дејствија во Украина досега во други земји засолниште побарале повеќе од 2,3 милиони лица, од кои повеќе од 112 илјади државјани на трети земји, соопшти денеска Агенцијата за миграции на ОН, a пренесе МИА.
Полските погранични служби денеска објавија дека од почетокот на воените дејствија во Украина на 24 февруари до денеска во Полска влегле 1,43 милиони бегалци. Само во текот на вчерашниот ден тоа го сториле 117.600 лица.
Само во текот на денешниот ден до 7 часот изутринава украинско-полската граница ја преминале околу 22 илјади лица.
