Годишните воени вежби меѓу индонезиските и американските армии ќе опфатат повеќе од десетина земји оваа година, соопштија официјални лица, додека тензиите со Кина продолжуваат да се зголемуваат во регионот.
На заедничката обука „Штитот Гаруда“ ќе учествуваат војски од 14 земји – вклучувајќи ги Велика Британија, Австралија и Јапонија – во вежби на копно и вежби за слетување на плажа од 1 до 14 август на архипелагот Јужна Суматра во Индонезија и на источниот дел на островот Борнео.
Американски официјален претставник рече дека околу 3.000 војници ќе учествуваат на вежбите.
Тоа ќе го направи „најголемото“ издание од основањето на почетокот на тие вежби во 2009 година, изјави Алберт Тамбунан, портпарол на индонезиската војска.
Овогодинешното проширување на воената соработка сигнализира зголемување на одбранбените врски меѓу САД и некои азиско-пацифички нации./МИА/
