Ако се покаже точно дека ракетниот крстосувач „Москва“ потонал поради украинскиот напад, тоа ќе биде најголемиот потонат воен брод во последните 40 години, пишува Јутарни.хр.
Руското Министерство за одбрана синоќа соопшти дека „Москва“ потонал додека се обидувале да гоповлечат во пристаниште поради невремето.
Русите тврдат дека командниот брод на руската Црноморска флота претходно бил сериозно оштетен во пожар предизвикан од експлозија на муниција.
Украински извори наведуваат дека пожарот е резултат на нивниот напад со противбродски ракети Нептун.
Доколку се потврди информацијата дека „Москва“ е потонат по борбите на украинските сили, ќе биде евидентирана како загуба на најголемата поморска единица во последните 40 години.
Најголемиот потопен воен брод после „Белграно“
Аргентинскиот крстосувач „Генерал Белграно“ беше торпедиран и потопен на 2 мај 1982 година, јужно од Фолкландските острови во британско-аргентинскиот конфликт од страна на британската нуклеарна подморница „Конкверор“, при што загинаа 323 луѓе.
Руските власти велат дека сите 510 членови на екипажот на крстосувачот „Москва“ биле евакуирани од крстосувачот, што би укажало дека бродот е напуштен во релативно контролирани услови, односно дека не бил оштетен од проектили, бидејќи во тој случај би имало загуби меѓу екипажот.
Ракетниот крстосувач „Москва“ од класата Слава, беше трет по големина брод во активната флота на Русија и еден од нејзините најтешко бранети средства, изјави за Би-Би-Си поморскиот експерт Џонатан Бентам од Меѓународниот институт за стратешки студии.
Крстосувачот бил опремен со трислоен систем за противвоздушна одбрана кој, доколку правилно функционирал, требало да му даде три можности за одбрана од ракетните напади на Нептун.
Покрај ракетната одбрана со среден и краток дострел, одбраната вклучуваше шест системи за противвоздушни пушки (CIWS) контролирани од радар со голема брзина како последно средство за ракетна одбрана.
„Системот може да испука 5.000 куршуми во минута, всушност создавајќи ѕид од топови околу крстосувачот, неговата последна линија на одбрана“, изјави Бентам за Би-Би-Си. Ако се докаже дека ударот дошол од проектил, тоа „покренува прашања за способноста да се модернизирата руските копнени единици“, додаде тој.
Лажните напади со беспилотни летала „Бајрактар“
Украински извори тврдат дека противвоздушната одбрана на крстосувачот била „вработена“ со лажни напади на беспилотни летала „Бајрактар“, со цел да се реагира што е можно подоцна на противбродскиот ракетен напад.
Ракетниот систем „Нептун“ е дизајниран од украински воени инженери како одговор на растечката поморска закана што ја претставуваше Русија во Црното Море, по нејзината анексија на Крим во 2014 година. Според Киев пост,
Дури во март минатата година украинската морнарица ја доби првата испорака на ракета Нептун со дострел од 300 километри (186 милји).
Ракетниот крстосувач „Москва“ е вториот голем воен брод за кој се знае дека претрпел сериозни оштетувања од почетокот на војната.
Во март, Украина објави дека го уништила големоиот десантен брод Орск, во Азовското Море.
Ј. Ѓ.
