Русите сакаат Западот да знае дека просечниот Русин е уште покрвожеден од самиот Путин и дека сакаат руската инвазија на Украина да продолжи. Тие се разочарани што светските лидери кои го посетиле Зеленски не биле убиени заедно со него. Ова се дел од ставовите искажани во емисијата „Вечер со Владимир Соловјев“ на руската национална телевизија Россија 1. Информацијата на Твитер ја објави Џулија Дејвис, креаторка на Руски медиумски мониторинг.
Messaging on Russian state TV: they want the West to know that an average Russian person is even more bloodthirsty than Putin himself, that they want Russia’s invasion of Ukraine to continue and are disappointed that world leaders visiting Zelensky weren’t killed along with him. pic.twitter.com/xHI7vO0wtB
— Julia Davis (@JuliaDavisNews) May 3, 2022
„Во нашата земја има многу порадикални од Путин. Ако некој рече дека претседателот Путин е жесток, се лажате драги дами и господа. Повеќето од нив се лажат дека има еден народ којшто сака да живее во либерална демократија, а Путин со сила ги тера да бидат дел од воената операција…..Јас повремено разговарам со луѓе на улица. Еден човек скоро дојде и ми промрморе: Зошто ние играме игри? Кога светските лидери ќе дојдат во постета на Зеленски, ние треба да ги елиминираме. Заедно со Зеленски. И тоа е тоа. И нема да има украинска нација, нема да има кој да им помага. Да ги фрлиме сите во исто купче за не станат арогантни. Ете така размислуваат руските мажи. Пристапот на секој руски маж е многу побрутален и порадикален“, вели меѓудругото политикологот Сергеј Михејев.
На тоа водителот и новинар Владимир Соловјев, кој е силен поддржувач на Путин, вели дека нема да има никаков компромис.
„Нема да постои светот ако не постои Русија. Затоа го мразат Путин толку многу. Затоа што знаат дека Путин нема да прифати никаков компромис. И нема да има никаков компромис“, вели Соловјев.
На тоа Михејев одговара „Да даде господ“.
И. З.