Отворен Балкан е иницијатива којашто е автохтона, искрена и отворена за сите. Таа е иницијатива на тројца лидери, во тоа време Зоран Заев, Александар Вучиќ и Еди Рама со намера, државиете од Западен Балкан да направат нешто повеќе за граѓание од нивните држави, олеснување на портокот на луѓе и добра, капитал и иницијативи и проекти коишто ќе го поврзат регионот и ќе покажат едно ново лице на Балканот, вели вицепремиерот за европски прашања, Бојан Маричиќ, во интервју за Фронтлајн. Интервјуто го водеше Ненад Јовановиќ.
На прашањето зошто некои земји од Бакланот, како на пример Босна и Хецеговина и Косово се сомничави и со страв гледаат на инцијативата, Маричиќ вели дека тоа, според него, главно се должи на лошите искуства од минато каде бенефит имаа само одредени политички ентитети.
„Мислам дека оние кои не се приклучуваат, своите стравови ги темелат на своите искуства од минатото. Кога Балканот беше жариште на војни, жариште на конфликти, бескрајни билатерални спорови од коишто корист имаа само одредени политички групи или политичари. Додека пак обичните граѓани, интелектуалците и стручњаците во одредени области, го напуштаа регионот, масовно го напуштаа и сè уште го напуштаат и се иселуваат во државите од ЕУ“, рече Маричиќ.
Според Маричиќ неколку комплицирани ситуации ги натерале лидерите на неколку земји од Западен балкан да содзадат иницијатива со која ќе се олесни живеењето на граѓаните и транзитирањето во овие земји.
„Само уште на Балканот постојат толку тврди граници, само уште на Балканот толку тешко се поминуваат границите во секоја смисла, и во симболична и во практична смисла. Се чека во редици, бизнисот тешко функционира од двете страни на границата. Неодамна еден албански бизнисмен којшто извезува морска храна рече дека полесно е да се извезе во Норвешка, отколку во Северна Макеоднија или Србија. Тоа не поттикна на оваа иницијаива која има за цел да ги зближи луѓето, сите отворени прашања да ги стави на маса и со прагматични чекори, со олеснување на преминот преку границите, со признавање на дипломите во целиот регион, со можност за вработување, да се почувствува тој европски дух и во Западен Балкан. Затоа мислам дека, ние како држава сме секогаш отворени доколку некоја друга земја сака да се приклучи на иницијативата. Еве на последниот самит учествуваа и црногорскиот премиер Дритан Абазовиќ и Премиерот на Босна и Херцеговина, Зоран Тегелтија. Тоа значи дека има интерес, а кога кој ќе се приклучи, секако секој ќе биде добредојден. Истото важи и за Косово“, рече Маричиќ.
И. Т. З.
