Ѓорги Галетановски во Скопје, а и пошироко е познат како успешен менаџер. Галетановски беше директор на Зоолошката градина Скопје како дел од тимот на ексградоначалникот Петре Шилегов. По неговото доаѓање веднаш започна со нови проекти и за време на неговиот мандат Зоолошка градина Скопје стана најпосетувана иституција во земјава. Од декември минатата година Галетановски не е повеќе директор бидејќи самиот поднесе оставка.
ФРОНТЛАЈН: Кои проекти ги сметате за најуспешни во ЗОО градина додека Вие бевте директор?
ГАЛЕТАНОВСКИ: Јас ја затекнав зоолошката каква што ја затекнав, малце заборавена од општествотo неисчистена 6, 7 години со езера неисчистени 13 години, со живеалишта стари нереновирани, со недоградени живеалишта за слонови и шимпанза, кои ми беа на почетокот најголем проблем. Изведувачите правеле недоправиле и мене ме назначуваат, а живеалиштата направени со грешки. Слоновите требаше веќе да пристигнат и видовме многу мака и вработените, а и фирмите кои помогнаа да ги доправиме. Среќа имавме многу спонзори, а и разбирање од тогашниот градоначалник Петре Шилегов, па сè се среди во краток рок.
Инаку кога влегов си зацртав дека прво мора да се исчисти цела ЗОО за што ми помогнаа и комунална хигиена и паркови и зеленила, а најмногу моите вработени. Потоа видов дека патеките околу се земјени немаше сервисни улици и итно ги асфалтиравме, па поставивме тоалети. Додека реновиравме живеалишта стапив во контакт со многу светски зоолошки и договаравме нови животни. Стигнаа слоновите, шимпанзата но во сред Зоолошка имаше едно оградено место со тараби кое ужасно ми пречеше и беше грдо. Седнав на состанок со мојот тим и решивме дека мора да направиме живеалиште за фламинга и пингвини.
Ангажиравме архитект и итно исцрта. Додека се градеа живеалиштата ние ги договоривме со Австрија и Италија птиците. Многу луѓе беа скептици и не веруваа но ние успеавме. Тие живеалишта се и денес најубави не само во Македонија и пошироко. Инаку, горд сум и на адреналинското паркче, и на Бејби ЗОО најголемата детска атракција, и на Дино Паркот кој рушеше рекорди на посетеност.
ФРОНТЛАЈН: Можете ли да направите паралела, доколку имате сознанија, колкава е посетеноста сега и во времето кога Вие бевте директор?
ГАЛЕТАНОВСКИ: УФ, кога дојдов ‘ко да беше забораvена од државата. Не знам, точно но ние со мојот ПР тим направивме програма за секој викенд, детски претстави, концерти, едукативни евенти и растевме од викенд во викенд. Посетеноста ја кренавме можеби 300 отсто. Нè прогласија за најпосетена институција. Многу странски и домашни медиуми секој ден објавуваа. Дури и во време на ковид пандемијата ние имавме рекордна посетеност. А сега не би можел да знам, од она што го видов доста послабо е посетена.
ФРОНТЛАЈН: Дали забележавте позитивни или негативни промени во ЗОО градина по Вашето заминување? Доколку да, кои се тие?
ГАЛЕТАНОВСКИ: Видете, јас си заминав со очекување дека идното раководство ќе продолжи да гради да спроведе она што го најавивме, ЗОО аквариум, паркови за деца и сл. Немаше многу филозофија, да се продолжи со ПР, да се донесат нови спонзори и да се оди напред. Но и спонзорите што беа, како да видов дека не се веќе, таму ништо ново нема. Ни животни нови, ни живеалишта. Среќа се породиле оние што ги донесовме. Единствено што ме радува е дека ја задржале хигиената и се грижат за тоа.
ФРОНТЛАЈН: Kако те прифатија вработените и дали ти недостасуваат?
ГАЛЕТАНОВСКИ: Вработените во ЗОО Скопје не се обични луѓе. Тоа се луѓе полни со емпатија и искрена љубов, не можат да живеат без животните. Ме прифатија супер. Кога дојдов јас им кажав, овде не ме интересира ни политика, ни трачеви. Овде ќе работиме и живееме ко семејство и ќе си помагаме еден на друг. Така и функциониравме, ги засакав многу и ми фалат премногу.
ФРОНТЛАЈН: Што прави сега Галетановски? Дали би се вратил со работа во ноќниот живот и дали би прифатил повторно државна функција?
ГАЛЕТАНОВСКИ: Сега Галетановски моментално одмoра, се дружи со пријателите, и не би се вратил во ноќниот живот, а фунцкија би прифатил само доколку сум потребен да помогнам за младите, општеството и доколку државата има потреба од мене.
Мартина Ацковска
