Претставничкиот дом на САД синоќа усвои два нацрт-закона насочени кон заштита на пристапот до абортус, откако Врховниот суд пресуди дека поединечните држави можат да ја забранат или ограничат постапката.
Сепак, нацрт-законите усвоени од Претставничкиот дом под контрола на демократите веројатно нема да поминат во Сенатот, каде што ќе бидат потребни 10 гласови на републиканците за усвојување на мерката.
– Пред само три недели, Врховниот суд ги поништи основните права со отфрлање на „Ро против Вејд“, рече претседателката на Демократскиот дом Ненси Пелоси, мислејќи на историскиот случај кој го потврди правниот пристап до абортусот.
– Тоа е причината зошто демократското мнозинство денеска решително се залага за можноста за избор, за правата на жените. Ќе преземеме дополнителни чекори за одбрана на репродуктивната слобода на жените, рече Пелоси.
Првиот предлог-закон, „Законот за заштита на здравјето на жените“, усвоен само со поддршка на демократите, треба да го легализира абортусот низ САД. /MИA/
