коментира: ЈАНЕ ЃОРЃИОСКИ
Италијанскиот весник со сомнителна сопственост „Ла Верита“, кој упорно се обидува да го скандализира постгруевистичкиот период во Македонија, важи за близок до есктремнодесничарската партија Лига, која ја предводи актуелниот министер за внатрешни работи, Матео Салвини. Во весникот, во континуитет се објавуваат информации со кои се атакува на сите што размислуваат поинаку од Салвини, Орбан, Јанша, Ле Пен и од останатите претставници на радикалната десница, пишуваат од 360 Степени.
Она што исто така е интересно и неслучајно, е дека тие континуирани атакувања против Заев и прогресивните демократски процеси, се инстантно силно поткрепени од будимпештанско-македонските грујовистички портали и другите помали гашта-вазали на Грујовата пропаганда и пресно квислингшки парталски лузери.
Речиси неизбежно е кога „Ла Верита“ инсинуира за нешто поврзано со македонските случувања, на тоа да не се надоврзе и словенечкиот радикален десничар Јанез Јанша. Исто така, неизбежно е таа негова реакција оркестрирано да се споделува од Грујовата пропагандна машинерија овде во Македонија.
Она што нема да го прочитате е кога за реакцијата на Јанез Јанша известува Плусинфо и дугите од „свитата“ грујови вазали на пример, е тоа дека радикалниот десничар Јанез Јанша е осуден корумпиран политичар и поранешен затвореник.
Јанша, заедно со двајца негови поранешни соработници е прогласен за виновен за примање мито за време на потпишувањето договори меѓу словенечката влада и финската компанија „Патриа“ за набавка на оклопни транспортери во вредност од 278 милиони евра во 2006 година. Во 2013 година Јанез Јанша за тоа обвинение од словенечките судови е осуден на затворска казна од 22 месеци и глоба од 37.000 евра.
Во прилогот за Јанез Јанша, поврзан со инсинуациите од „Ла Верита“ кој го пренесуваат, на пример Плусинфо и грујовата пропаганда, нема да прочитате ни дека тој истиот Јанез Јанша во 2017 година е осуден првостепено на три месеци условна затворска казна затоа што новинарки нарекол ,,медиумски проститутки“.
Нема ништо да прочитате од ова, зашто манипулаторските портали сакаат да му дадат релевантност на радикалот Јанша, ословувајќи го само како поранешен премиер на Словенија, а никако како осуденик, бивш затвореник, корумпиран политичар и мизогин, што нели фактички и е. Не, тоа кај тие портали нема да го прочитате, драги мои.
На страниците од грујовата пропаганда нема да прочитате кој е авторот на текстотовите против Заев и кој е Лорис Гајсер. Тој е Словенец со италијански пасош. Гајсер е претседател на Паневропското движење на Словенија, дел од претседателството на меѓународната Паневропска Унија. Нема да прочитате дека заедно со Гајсер, во претседателството на оваа организација е и доскорешниот македонски амбасадор во Брисел, Андреј Лепавцов и советник на поранешниот премиер Никола Груевски.
Не е многу тешко да се препознае пропагандната оска која се провлекува од Будимпешта, преку Јанша, па сѐ до Ла Верита и овде јужно, и пак назад во Пешта, и не е ич тешко кое време тие се крстат да ни го вратат.
Тоа е она на што, едноставно, сакав само да ви обрнам внимание.
Сите права се задржани. УСЛОВИ ЗА КОРИСТЕЊЕ.
