Ураганот Фиона денеска стигна до Доминиканската Република, додека Порторико се подготвува за уште еден ден со силен дожд и поплави опасни по живот, соопшти американската владина агенција еден ден откако островот остана без струја.
Fiona is packing sustained winds of 90 mph, and is near Samana Dominican Republic. The hurricane will stay well east of the contiguous U.S… but could be close to Bermuda Thursday night. pic.twitter.com/Am5ozn4WRQ
— James Spann (@spann) September 19, 2022
Доминиканската Република е зафатена од екстремно силен дожд, како и од ветрови кои достигнуваат брзина од 140 километри на час, изјави Ерик Блејк од Националниот центар за урагани на САД, додека бурата во Порторико почнува да се стабилизира.
Ураганот Фиона го зафати Порторико вчера попладне, пет години откако оваа американска територија на Карибите беше погодена од ураганот Марија.
Video from Punta Cana, Dominican Republic, as Hurricane #Fiona moved ashore.pic.twitter.com/kkhGTcH70X
— Moshe Schwartz (@YWNReporter) September 19, 2022
Во септември 2017 година, Марија го предизвика најголемиот прекин на струја во историјата на САД, според порториканскиот Центар за нова економија. Во петтата категорија на бура, во која загинаа повеќе од 3.000 луѓе, 1,5 милиони луѓе останаа без електрична енергија со прекин на 80 отсто од далноводите. Илјадници Порториканци сè уште живеат под импровизирани покриви од церада.
Фиона рано денеска уриваше дрвја, далноводи и билборди во градовите Пунта Кана, Ла Романа и Ел Сеибо во источниот дел на Доминиканска Република. Хуманитарните организации соопштија дека засега нема податоци за повредени.
Video from Punta Cana, Dominican Republic, as Hurricane #Fiona moved ashore.pic.twitter.com/kkhGTcH70X
— Moshe Schwartz (@YWNReporter) September 19, 2022
Речиси 90 отсто од Порториканците останаа денеска без струја, според информациите на веб-страницата Poweroutage.us. Официјалните лица истакнаа дека ќе бидат потребни денови за целиот остров од 3,3 милиони луѓе повторно да се поврзе на електричната мрежа.
Американскиот претседател Џо Бајден вчера прогласи вонредна состојба во Порторико, овластувајќи ја Федералната агенција за управување со вонредни состојби да ја координира помошта во случај на катастрофи и да обезбеди итни заштитни мерки.
