Иранците кои речиси еден месец протестираат поради смртта на Махса Амини, откако полицијата ја уапси поради нереди, и денеска не беа поштедени од куршуми и солзавец, соопшти иранската организација за човекови права Хенгав.
Безбедносните сили денеска пукаа врз демонстрантите и употребија солзавец во курдските градови Санандаж и Сакез, соопшти „Хенгав“, наведувајќи дека собири се одржуваат и во Дивандарех и Махабад.
Смртта на Амини предизвика протести низ целата земја, што е најголемиот предизвик за конзервативната влада во изминатите години.
Жените на протестите ги отстрануваат шамиите на главата, со што се спротивставуваат на верското раководство на државата. На протестите се бара и смена на врховниот водач ајатолахот Али Хамнеи.
Групите за човекови права тврдат дека досега повеќе од 150 луѓе загинале во судирите меѓу полицијата и демонстрантите, неколку стотици се повредени, а илјадници се уапсени.
Амини беше уапсен на 13 септември во Техеран поради несоодветна облека, а почина три дена подоцна. Иранските власти протестите ги нарекуваат иницијатива на САД и сојузниците, како Израел.
Извештајот на иранскиот судски вештак негира дека 22-годишната Амини починала во притвор поради удари во главата и екстремитетите и ја поврзува нејзината смрт со претходни медицински проблеми, објавија вчера иранските државни медиуми.
