Северна Македонија сè уште им ја должи на своите граѓани вистината за сопствената историја. Интересот на претседателот Стево Пендаровски е „за пофалба, но откако ќе се каже, мора да се заснова на историска вистина“. Ова го изјави шефот на бугарската држава Румен Радев по повод извинувањето што го побара неговиот македонски колега за депортацијата на македонските Евреи за време на Втората светска војна.
Пендарвоски во неделата побара официјално извинување за „улогата на тогашната профашистичка влада во Софија во депортацијата на македонските Евреи“. Веста дојде среде 80-годишнината од двата настани со спротивен знак што се случија во исто време во март 1943 година – спасувањето на животите на бугарските Евреи кои живеат во границите на предвоена Бугарија и депортацијата на Евреите што живеат на териториите на денешна Грција и Северна Македонија, тогаш окупирана од Бугарија.
До денес, Софија го признава фактот на депортацијата, но не и одговорноста за тоа. Секоја година во март се одбележува само спасувањето на бугарските Евреи.
Во вторникот Радев рече дека за доброто на европската иднина на Северна Македонија, неопходно е билатералните односи со Бугарија да бидат „ослободени од идеологиите на тоталитаризмот“, што би помогнало за „вистински и целосен дијалог“. Неговите зборови дојдоа и конкретно во однос на историјата и како таа им е претставена на Македонците.
„Историјата која е обвиткана со децениски манипулации и фалсификати, вистината за еврејското прашање, вистината за прогонот и репресијата на македонските Бугари цела деценија“, рече уште Радев.
Во понеделникот на повикот на Скопје се одзва и МНР. Оттаму излегоа со став дека „обвинувањето на Бугарија за депортацијата на македонските Евреи во 1943 година е дел од севкупната злонамерна политика на владетелите во Северна Македонија, која има за цел да го претстави бугарскиот народ како „фашисти“.
Прашањето за депортацијата на Евреите од Грција и Северна Македонија и барањето на Пендаровски за извинување предизвикаа реакции и кај претставниците на македонско-бугарската комисија за историски и образовни прашања.
На крајот на февруари, бугарските историчари и интелектуалци побараа од Софија да ја признае одговорноста за депортацијата и да се извини.
Друга група историчари, меѓу кои Даниел Вачков и Спас Ташев, инсистираат на тоа дека Германија е одговорна за депортацијата.
