Многу жени во Јужна Кореја се презаситени од машката доминација и во последните години зазедоа радикален став: одбиваат да се мажат, да излегуваат со мажи, да имаат сексуални односи и да имаат деца, пишува Ел Паис.
Тоа е движењето 4Б, познато како „Четири не“ (претставува четири корејски зборови што почнуваат со „би“, што значи „не“), кое се појави во 2019 година и се рашири со надеж дека конзервативниот претседател Јун-Сук-Јол ќе донесе мерки кои промовираат родова еднаквост.
Мал, но се поголем број жени во Јужна Кореја се дел од ова движење, благодарение на општеството во кое доминираат мажи, кое очекува жените да преземат исклучиво одговорност за домашните работи, родителството и грижата за постарите со мала или никаква помош.
Оваа вековна практика во јужнокорејското општество доведе до тоа група жени да го започнат ова феминистичко движење.
Јужнокорејското општество очекува и жените да се придржуваат до строгите стандарди за убавина. Жените се под притисок секогаш да изгледаат физички и сексуално пожелно.
Притисокот на општеството да изгледа убаво ги принудува жените да купуваат нова облека на секои неколку месеци, да трошат многу пари на шминка и пластични операции и да го задржат својот физички изглед за да им изгледаат привлечни на мажите.
И покрај солидното академско образование на жените во Јужна Кореја, според статистичките податоци, платите на мажите се за 30 отсто повисоки.
Веќе 26 години, Јужна Кореја е земја-членка на Организацијата за економска соработка и развој (ОЕЦД) со најголеми разлики меѓу родовите.
На ова се додава и лошата рамнотежа помеѓу работата и приватниот живот и нееднаквоста во распределбата на домашните работи, затоа што жените ја преземаат одговорноста и за воспитување на децата.
Тие се принудени да изберат помеѓу деловна кариера или мајчинство, бидејќи работната недела во Јужна Кореја е 52 часа.
„Четири не“ е очајнички крик, со оглед на тоа што јужнокорејскиот претседател го започна својот мандат со намера да го укине Министерството за еднаквост.
Последиците од таканаречениот „натален штрајк“ се сериозни за Јужна Кореја.
Три последователни години е позиционирана како земја со најниска стапка на фертилитет во светот, со просек од 0,78 деца.
Земјата е во состојба на висока готовност бидејќи се проценува дека во просек се потребни 2,1 дете за да се одржи стабилна популација, а во 2020 година смртните случаи во Јужна Кореја ги надминаа раѓањата.
Феминистичките движења досега се покажаа како многу ефикасни во земјата, постигнувајќи историски пресвртници како што е, на пример, декриминализацијата на абортусот во 2021 година или почетокот на менувањето на канонот за женска убавина, според Ел Паис.
Г. Т.
