Престедателот на СДСМ Димитар Ковачевски со одговорни, навремени и ефикасни мерки и политики успеа да го ублажи ударот од глобалната економска криза. Инфлацијата е зауздана, цените паѓаат, а истовремено растат платите и пензиите, се наведува во денешното соопштение на СДСМ.
Партијата нагласува дека се намалени цените на лебот, тестенините, јајцата, оризот, млекото и млечните производи, а минималната плата од март годинава е покачена на 20.175 денари.
Минималната плата континуирано се зголемува од 2017 година кога изнесуваше 8.900 денари, а во некои сектори и само 6.000 денари. Просечната плата во државата за пет години се зголеми за 44 проценти и сега е околу 34.000 денари, се додава во соопштението.
СДСМ потенцира дека пензионерите од овој месец добиваат историски највисоко покачување на пензиите за 8,4 проценти, со што просечната пензија се зголемува од 17.666 на 19.150 денари, додавајќи дека тие ќе продолжат со реализација на мерки и политики, што го заштитуваат и унапредуваат животниот стандард на сите граѓани.
