Утрото на 30 мај, наводно, голем број беспилотни летала ја нападнале Москва, соопшти градоначалникот Сергеу Собјанин, пренесува Укринформ повикувајќи се на Медуза.
Според началникот на градот, на неколку згради „е направена мала штета“. Собјанин, исто така, рече дека за безбедносни цели, некои жители на два станбени блока биле евакуирани во очекување на работата на екипите за итни случаи. Градоначалникот не прецизираше каква штета е нанесена на зградите.
РИА Новости, повикувајќи се на извор во агенциите за вонредни состојби, вели дека едно беспилотно летало ги погодило горните катови на станбена зграда на улицата „Профсојузнаја“ бр. 98. Како последица на тоа е оштетена фасадата и прозорците.
Уште еден дрон погодил 24-катна станбена зграда на улицата Атласова во Нова Москва.
Гувернерот на Московската област Андриј Воробјов изјави дека неколку дронови биле соборени на приодот кон главниот град. Тој истакна дека во утринските часови, жителите на некои области низ регионот можеле да ги слушнат звуците на експлозии, што беше противвоздушна одбрана во акција.
Каналот Mash Telegram пишува дека беспилотно летало со три експлозивни направи влетало во стан на 14-ти кат во висококатница на авенијата Ленински. Не детонирал, тврди каналот. Нема официјална потврда за овој извештај. РИА Новости објави видео од авенијата Ленински, во кое се известува дека службите за итни случаи стигнале на местото на настанот.
Според Телеграм каналот База, речиси десетина дронови биле соборени од небото над предградијата на Москва во вторникот наутро. Повеќето од нив беа соборени во областите Истрински, Красногорски и Одинцовски.
Пријавите за напад со дронови врз Москва доаѓа откако 3 дена последователно руските сили вршат масивни напади со дронови врз Кијив.
Според неименуван извор од ФСБ во Москва, целосна мобилизација најверојатно ќе биде објавена во наредните денови во Русија.
Ако ова е вистина, тогаш утринава повеќекратниот напад со беспилотни летала врз Москва, од кои повеќето се чини дека се соборени со воздушна одбрана, многу веројатно може да биде лажно знаме на Путин.
Alleged FSB source in Moscow: Full mobilization is likely to be announced in the coming days in Russia.
If this is true, then this morning’s multiple drone attack on Moscow, most of which appear to be getting shot down by air defense, could very well be Putin’s false-flag. pic.twitter.com/Ks0zKcAL1J— Igor Sushko (@igorsushko) May 30, 2023
Овој напад со беспилотни летала врз Москва многу личи како нешто што би го организирале руските безбедносни служби, особено што погодува згради. Многу познато на ФСБ.
Откако предходно ФСБ на Путин разнесе згради во Москва, припишувајќи го делото на Чеченци, нема никаква причина да се верува дека овие напади се дело на Украина.
After Putin’s FSB blew up buildings in Moscow, pinning it on Chechens, there is no reason whatsoever to believe these attacks were the work of Ukraine. https://t.co/4jRrxCNAja
— toomas ilves, ex-verif (@IlvesToomas) May 30, 2023
Д. Мишев / Цивил Медиа
