Историската синагога во Тунис во вторникот беше претворена во урнатини поради масовните немири по експлозијата во болница во Газа за која терористичката група Хамас и поголемиот дел од арапскиот свет наводно лажно го обвинија Израел.
Стотици луѓе беа снимени како палат синагога во централниот туниски град Ал Хама неколку часа по експлозијата во болница во градот Газа каде Хамас соопшти дека загинале над 500 луѓе, вклучувајќи жени и деца. Видеата што кружеа нашироко на социјалните мрежи покажаа луѓе како поставуваат палестински знамиња и ги кршат камените ѕидови на зградата на синагогата, сето тоа без никаква полициска интервенција, пренесува Тајмс оф Израел.
Некои корисници го споделија видеото од подметнувањето пожар заедно со хаштагот #Palestine. Видеото снимено во средата покажува голема штета на локацијата, вклучително и на оградениот гроб на рабин од 16 век, кој бил историско место за аџилак за некои Евреи.
Anti-Israel protesters have burned down the El Hammam synagogue in Tunisia.
The Torah scrolls were also set on fire
— Visegrád 24 (@visegrad24) October 18, 2023
Инцидентот, кој го лиши Ал Хама од клучниот белег од неговото еврејско минато, се случува во време на напади врз други еврејски и израелски локации низ светот – вклучувајќи ги Германија, Франција, Португалија, Кина и Австралија – додека Израел цели на позициите на Хамас во Појасот Газа по смртоносниот шок напад на Хамас врз Израел на 7 октомври, во кој беа масакрирани околу 1.400 луѓе, главно цивили, а околу 200-250 беа киднапирани и однесени во Газа.
Протестите против Израел се зголемија во вторникот вечерта по експлозијата во болницата, за која Израел понуди докази дека наводно била предизвикана од погрешна ракета истрелана од терористите од Газа. Десетици демонстранти ја нападнаа израелската амбасада во Аман, Јордан. Немири избија и во палестинските области на Западниот Брег, јавија хебрејските медиуми.
Hundreds destroyed and burned down the El Hamma synagogue in Tunisia.
— Yoni Michanie (@YoniMichanie) October 18, 2023
Синагогата Ал Хама не беше активно место за богослужба, бидејќи во градот не живеат Евреи; сепак, тоа е местото на гробницата на кабалистичкиот рабин Јосеф Ма’арави од 16 век. Истата локација претходно беше оштетена за време на протестите на Арапската пролет во 2011 година, кои не беа насочени кон Израел.
Американскиот еврејски комитет преку соопштение го осуди вандализмот.
„Ужаснети сме од палењето и уништувањето на синагогата Ал Хама во Тунис“, рече групата на Икс, додавајќи дека „внимателно ја следи ситуацијата“ и е во контакт со водачите на туниската еврејска заедница.
Малото еврејско население во Тунис од околу 1.000, исто така, се соочи со смртоносен терористички напад претходно оваа година, кога вооружен маж упадна во синагога на островот Џерба. Пет лица загинаа, вклучително и двајца еврејски аџии кои отпатувале во областа од Израел и Франција, а неколку други раниле.
Како одговор на нападот на Џерба, претседателот на Тунис, Каис Саид, вети дека ќе ја зголеми безбедноста за еврејските жители во земјата. Саид, исто така, привлече критики за користење на поводот на нападот за да го критикува Израел.
Од последната експлозија на насилство во Израел и Газа, Тунижаните во голем број излегоа на улиците за да ги поддржат Палестинците. Туниските ученици го поздравија палестинското знаме, а Саид вети дека ќе застане на страна на Палестинците додека продолжува да го отфрла секој разговор за нормализација со Израел, пат што го поминаа четири арапски земји во 2020 година.
Подготви: Д. Мишев / Цивил Медиа
