Претседателот на Словенија Борут Пахор го предложи Јанез Јанша за мандатар за состав на новата влада, јави дописникот на МИА од Љубљана.
Предлогот за мандатар е резултат на коалицијата која ја договори партијата на Јанша СДС (Словенечка демократска партија).
– Очекувам новата влада да работи за доброто на Словенија и да ги почитува сите демократски принципи, изјави Пахор на заедничката прес-конференција со Јанша.
Претседателот на СДС кажа дека со коалициските партнери констатирале дека немаа цел мандат пред нив, па затоа треба да се посветат на решавање на клучните проблеми на државата, пред се за реформирање на здравствениот систем.
– Вчера потпишавме договор со четири партии кои се различни меѓу себе и сите имаат различни програми, но успеавме да го усогласиме патот по кој ќе се движи државата, изјави мандатарот Јанша.
