Градоначалникот на Охрид, Кирил Пецаков веќе петти ден молчи и не одговара дали е на егзотично крстарење заедно со секретарот на општината и други лица од кабинетот и кој плаќа за ваквото патување.
СДСМ објави дека охридскиот градоначалник заминал на егизтично крстарење и го праша на чија сметка патува и крстари Пецаков.
„Додека Охрид тоне секој ден, Пецаков плови на егзотично крстарење заедно со секретарот на општина Охрид, но и други лица од неговиот Кабинет. Нема одговор колку пари чини ова егзотично патување и на чија сметка крстари Пецаков?“ праша портпаролката на СДСМ, Богданка Кузеска на прес-конференција.
Одговор од Пецаков нема, иако ваквите прашања од СДСМ се повторуваат веќе пет дена, а одговор нема ниту од матичната партија на Пецаков, ВМРО-ДПМНЕ за тоа дали навистина градоначалникот е на егозтично крстарење со членови на неговиот кабинет и кој тоа го плаќа.
