Пишува: САНЕЛА ШКРИЈЕЉ
Srebrenica, grad za koji je čuo cijeli svijet…a bolje da nije…
За да го почитуваме минатото, жртвите и преживеаните, мора да ги нарекуваме работите со нивното вистинско име. За да ја изградиме иднината, мораме да бидеме заедно со еден глас секогаш кога ќе се негира геноцидот во Сребреница, секоја една невина душа изгубена во безумните војни на просторот на бивша Југославија, Холокаустот, Руанда, Украина, Газа, невините животи во Израел одземени од терористи, страдањата во Африка.
Svaka srebrenička majka predstavlja sve majke na svijetu.
Оние кои планираат и спроведуваат геноцид сакаат да го лишат човештвото од големото и разновидно богатство на неговите народи, раси, етнички групи и религии.
Почитувани мои сограѓани,
Ние во Македонија најдобро знаеме дека има луѓе и нелуѓе, па потоа доаѓаат другите карактеристики. Изјавата на Иван Стоиљковиќ, коалициониот партнер на Христијан Мицкоски кој го нарекува геноцидот во Сребреница „некрофилски дизниленд”, има само едно име: NELJUDSKOST! Не случајно истиот лик ја продолжува истата пракса да поддржува злосторства против човештвото, ставајќи се на страната на Путин кој сега истото го прави во Украина.
За сите, случајни или намерни, дезинформации и пропуштени информации на оваа тема: Македонското собрание уште во 2010 година усвои Декларација со која ја поддржа Резолуцијата на Европскиот парламент за Сребреница. Истата беше поддржана од сите политички партии!
Геноцидот во Сребреница, кој е потврден со пресудата на Меѓународниот суд за правда во Хаг, веќе е дел од институционалната меморија на ЕУ, САД, Канада, Велика Британија, Германија… на сите држави каде демократските вредности и почитувањето на човековите права е составен дел од нивните системи, а сега останува да се заокружи и во ОН, на почеток на следниот месец.
Да изградиме иднина за денешната генерација, која ќе биде добра за сите народи без разлика на верата и да не обедини со заеднички вредности засновани на правата на поединците. Мораме да останеме будни и да се спротивставиме на омразата и нетрпеливоста во нашата земја, Европа и светот . Омразата и нетолеранцијата не исчезна од нашите улици, од нашите социјални мрежи, па дури ни од политичкиот дискурс. Се додека живеат таквите идеологии, опасноста од нови страдања не завршува.
BOSNJACI NAUČITE – PAMTITE – PRIČAJTE- OPOMINJITE!! I dobro razmislite kad odlučujete kome dati svoju poddršku.
Чекаме да видиме дали вмро дпмне ќе се огради од ваквиот став на нивниот коалиционен партнер и тешката навреда на жртвите на Сребреница. Земајќи предвид дека тоа не го направија кога нивна пратеничка ги навреди сите Бошњаци, нарекувајќи не “изгубени со збунет идентитет”, чисто се сомневам.
Ние, Бошњаците, нема да заборавиме!
Текстот е личен став на Авторката
Поврзано:
Северна Македонија ќе биде коспонзор на резолуцијата во ОН за геноцидот во Сребреница
