Сите информации за коронавирусот, прес-конференции, одлуки од седница на влада, прашања и одговори, како и листата на земји со ниско, средно и високо ниво на ризик од корона вирус можат да се следат на веб страницата http://zdravstvo.gov.mk/
Министерот за здравство Венко Филипче на својата Фејсбук станица објави дека страницата се ажурира, но можни се повремени отстапувања.
Според последните објавени информации за состојбата со кронавирусот во земјава, шест пациенти кои се лекуваат на Клиниката за инфективни болести и фебрилни состојби се стабилни, а седмата пациентка е целосно стабилизирана и не е повеќе инфективна, но нејзиното лекување не е завршено. Таа вчера по втор пат беше тестирана по дијагностицирањето на вирусот и повторно е негативна на коронавирус.
Од денеска во сила се дополнителни засилени мерки против ширење на корона вирусот. Превентивно, во наредните 14 дена затворени се градинките, училиштата, факултетите, студентските домови, забранети се масовни јавни настани, организирани патувања во високоризичните држави.
