Шефицата на Европската комисија, Урсула фон дер Лајен денеска изјави дека најпрвин ќе разговара со социјалдемократите и либералите во Брисел, со кои соработуваше во минатото, за да се формира мнозинство по изборите за Европскиот парламент.
-За време на изборната кампања работев напорно за да изградам широко и ефективно мнозинство во корист на силна Европа. Поради оваа причина, сега ќе се зближиме со големите политички семејства кои исто така добро работеа со нас во минатиот мандат, рече таа на конференцијата на нејзината партија ЦДУ.
На прашањето дали би размислила да се зближи со партии кои се повеќе од десницата отколку нејзините, како што се Браќата од Италија на италијанската премиерка Џорџа Мелони, Фон дер Лајен рече дека првичниот фокус е на пошироките политички, а не национални групи.
Таа изјави дека властите во Европа успешно се справуваат со мешањето на надворешните актери во изборите за Европскиот парламент и додаде дека тоа е „тековна битка“. ‘
-Видовме многу мешања не само одвнатре туку и однадвор, како и во однос на нашето јавно мислење. Постигнавме успех во отстранувањето и демаскирањето на мешањето, но сигурно сè уште не сме виделе сè, рече таа.
