Преку бројот за итни случаи 112, Генералниот секретаријат за цивилна заштита на Грција, синоќа испрати порака со упатства за корона вирусот до сите корисници на грчките мобилни оператори, јави дописничката на МИА од Атина.
На лицата од ранливите групи граѓани им препорачуваат да останат дома колку е можно повеќе, а за останатите, и при најмал симптом на вирус, да останат дома и да разговараат со лекар, пред да отидат во болница.
-Одржувајте ја личната хигиена. Не се изложувајте самите и другите на ризик, пишува на крајот на пораката што е на грчки и англиски јазик.
