НАТО официјално ќе го именува холандскиот премиер во заминување Марк Руте за нов шеф на Алијансата в среда, откако амбасадорите од сите 32 земји-членки одобрија негово назначување, соопштија дипломати.
Дипломати од неколку земји на НАТО нагласија дека Руте, кој беше силно поддржан од САД, ќе ја преземе функцијата од сегашниот генерален секретар Јенс Столтенберг кога неговиот мандат ќе заврши на 1 октомври.
Руте (57) минатата недела ја „запечати“ трката што јаводеше во западната воена алијанса, откако единствениот предизвикувач романскиот претседател Клаус Јоханис се откажа.
Искусниот холандски лидер, кој наскоро треба да ја напушти функцијата во Холандија по речиси 14 години на функција, ќе го преземе управувањето во клучно време.
Следниот шеф на НАТО ќе мора да се справи со тековните последици од руската војна против Украина и потенцијалното враќање на американското претседателство на Доналд Трамп по изборите во ноември, нагласуваат француски медиуми.
