– До кога СДС ќе го штити судијата Пајазит Пајазити и ќе прикрива дека од затвор им избегаа притворените за убиството кај Мавровка? Пајазити е единствено виновен зошто Блерим Рамадани избега. Да досудеше Пајазити ефективен затворски притвор, сега Рамадани ќе беше во Шутка, изјави денеска на прес-конференција во партиското седиште пратеникот на ВМРО-ДПМНЕ Бране Петрушевски, во реакција на прес конференцијата од СДСМ.
– Пајазити треба веднаш да биде разрешен, единствено е судија заради заштита на СДС и ДУИ преку нивните инсталации во судството. СДС лаже и манипулира со денови, само овој извршител на ДУИ да остане судија, рече Петрушевски.
СДСМ, како што наведе, „расфрла пердуви да го прикрие скандалот со избеганите зарвореници од Идризово и Шутка, кои се приведени за убиството кај Мавровка, а од затвор избегале во време на СДС“.
– Да не беа избегани од затвор во време на СДС, убиството кај Мавровка немаше да се случи. Логично се поставува прашањето, дали СДС намерно дозволи и овие двајца затвореници да избегаат и со која цел? Институциите се девастирани од СДС и ДУИ. Последиците од тоа се чувствуваат уште. Но за сето тоа одговорност ќе има, а институциите веќе се вратени на граѓаните, изјави Петрушевски.
Претходно СДСМ објави нови детали за бегството на Рамадани и побара одговорност од министерот за внатрешни работи Тошковски и Рамука кој како што наведуваат, наредил без контрола на граничниот премин Блаце да биде пропуштен Рамадани.
„Мицкоски и Тошковски вчера одмолчеа на прашањата кои ги постави СДСМ за бегството на Блерим Рамадани. Тошковски и МВР се скрија во глувчешка дупка бидејќи добро знаат дека информациите кои ги поседува СДСМ се точни и не може да ја скријат вистината за бегството на Рамадани. Затоа, како што најавивме, денес ги објавуваме сите информации кои ги добивме од свиркачи по што бараме ОЈО да започне итна истрага. Истовремено, потребна е неотповиклива оставка од Тошковски и сите лица за кои имаме информации дека се вклучени во организација на бегството на Рамадани“, истакнаа од СДСМ.
Поврзано:
