Дека годините не се (секогаш) важни, кога е во прашање остварувањето на сопствените демократски вредности кои биле негувани години наназад, сведочи најдолговечниот претседател на САД, стогодишникот Џими Картер, на кој по неговиот 100 ти роденен единствено важно му беше да го оствари уште еднаш своето гласачко право и како последна желба да гласа за потпретседателката Камала Харис, убеден дека таа е вистинската личност која ќе ги продолжи демоктатските вредности за кои тој се залагаше.
39-от американски претседател Џими Картер, кој на 1 октомври наполни 100 години и се наоѓа во својот дом под постојана нега од февруари 2023 година, во средата го поднесе своето гласачко ливче во отсуство, пренесува Њујорк тајмс според Џејсон Картер, внук на поранешниот претседател и претседател на Центарот Картер, во средата во СМС-порака рече дека гласачкото ливче на неговиот дедо било депонирано во судот во Америкус, Џорџија,каде роднина може да поднесе пополнето отсутно ливче за гласач . Неговото семејство рече дека тој бил желен да гласа за потпретседателката Камала Харис.
Тоа се случи едвај две недели откако Картер го прослави својот 100-ти роденден на 1 октомври во неговиот дом во Плејнс, Џорџија, каде што живееше под постојана нега.
Со недели, според семејството Картер, поранешниот претседател станувањето стогодишник го сметал за не толку важно. Наместо тоа, велат роднините, тој најмногу сакал да гласа за потпретседателката Камала Харис.
„Тој ја следи кампањата, апсолутно“, изјави Џејсон Картер на дописникот на CBS News, Марк Страсман во септември. „И знаете, кога го прашавме дали е возбуден за својот 100-ти роденден, тој рече, возбуден сум поради тоа, но навистина сум возбуден што гласам за Камала Харис. , и тој, знаете, има свои ставови“.
На Демократската национална конвенција во август, внукот на поранешниот претседател рече дека Камала Харис „го носи наследството на мојот дедо“
Неговиот син Чип Картер пред семејниот собир изјави дека неговиот татко многу го имал на ум овие избори.
„Тој е вклучен“, изјави Чип Картер за Асошиетед прес. „Го прашав пред два месеци дали се обидува да доживее 100 години, а тој рече: „Не, се обидувам да живеам за да гласам за Камала Харис“.
Секако, имаше и обид од некои корисници на социјалните мрежи, противниците на демократијата кои лажно тврдеа дека Картер гласал лично во средата, споделувајќи видеа и фотографии од поранешниот претседател во инвалидска количка кои се всушност направени на неговиот 100-ти роденден кога тој ја прослави оваа пригода со своето семејство во неговиот роден град.
Гласот на Картер ќе се смета дури и ако тој повеќе не е жив до денот на изборите на 5 ноември.
Роберт Синерс, портпарол на кабинетот на државниот секретар, истакна дека изборните правила во Џорџија велат дека кога отсутно гласачко ливче ќе го добијат локалните изборни претставници „ќе се смета дека е гласано тогаш и таму“.
Несомнено, посветеноста наЏими Картер, еден од највлијателните државници во американската историја доследно да се држи до своите демократски уверувања и да се бори за нивно спроведување до крајот на својот живот е за восхит, и тоа не само кај приврзаниците и треба да биде пример за сите кои веруваат во подобра иднина.
Драган Мишев / Цивил Медиа
