Во време кога целосната неиспровоцирана руска воена агресија врз Украина трае веќе илјада дена, со несмалена жестина продолжуваат руските ракетни и артилериски напади врз цивилни цели низ Украина.
Бројот на повредени во последниот рускиот ракетен напад на Одеса на 18 ноември надмина педесет, додека истовремео се потврдени 10 загинати.
„Повеќе од 50 луѓе се повредени како резултат на ракетниот напад врз градот Одеса, за жал, има жртви“, објави Одделот за здравство на регионалната воена управа на Одеса на Фејсбук, според Укринформ.
Од вечерта на 18 ноември, екипите на итната медицинска помош сè уште работеа на местото на ударот, со воспоставена итна рута за транспорт на пациенти.
За настраданите жители се формирани центри за затоплување во кои се нудат топли оброци и вода за пиење. Дополнително, медицинска станица со центар за ментално здравје им пружа итна помош на настраданите. Претставниците на Црвениот крст обезбедуваат вода, храна, средства за хигиена и топла облека.
Медицинска помош на лице место им се дава не само на семејствата на жртвите, туку и на други граѓани кои биле случајни сведоци на нападот.
Како што пренесува Укринформ, попладнето на 18 ноември руските сили ја нападнале Одеса со балистички ракети. Соборен проектил паднал во станбена населба. Претходните извештаи укажуваа на десет смртни случаи и 47 повредени.
Дополнително, на 18 ноември, руските напаѓачи убија тројца жители и повредија уште седум во регионот на Донецк.
„На 18 ноември Русите убија тројца жители на регионот Доњецк: двајца во Костијантинивка и еден во Сиверск. Уште седум лица во регионот беа повредени во текот на денот“, напиша Вадим Филашкин, шеф на регионалната воена управа на Донецк во објава на Фејсбук, пренесува Укринформ.
Тој нагласи дека вкупниот број на руски жртви во Донецката област (2877 загинати и 6425 ранети) е даден без да се земат предвид Мариупол и Волноваха.
Севкупно, од почетокот на целосната војна, најмалку 2.877 луѓе се убиени, а 6.425 други се ранети во регионот на Донецк. Овие бројки не ги вклучуваат жртвите во Мариупол и Волноваха.
Како што пренесува Укринформ, Русите на 18 ноември со топовска артилерија го погодиле квартот во Костијантинивка.
Драган Мишев/Цивил Медиа
