Фудбалерот од средниот ред на Фиорентина, Едоардо Бове синоќа се освести во болница откако вчера изгуби свест на натпреварот од 14. коло од италијанското првенство против Интер, пренесува „Sky Sport“.
На 22-годишниот фудбалер му се слоши во 17. минута од играта и се струполи на тревникот. Натпреварот поради оваа причина беше прекинат. Лекарите се обидоа да го реанимираат на теренот, а Бове подоцна беше однесен со брза помош.
Забележано е дека играчот од средниот ред во моментов е свесен и дише самостојно. Според пишувањата на странските медиуми, Бове доживеал срцев удар и епилептичен напад. Тој ќе биде подложен на тестови за да се утврди причината за здравствените проблеми.
