Како и претходните денови, така и денеска во училиштата во Србија, во зависност од колективната одлука, наставата е или скратена или редовна, додека во некои училишта наставата воопшто не се одржува.
Според српските медиуми, податоците за бројот на училишта кои работат, а кои не, и на кој начин, се разликуваат од изворот.
Инспекциски надзор досега е извршен во 84 училишта каде работата е блокирана, изјави министерката за образование Славица Ѓукиќ Дејановиќ.
Таа посочи дека блокадите во образованието не се предвидени со закон и дека секој што учествува во нив мора да биде свесен дека тие со себе носат последици согласно законот, соопшти Министерството за образование.
Според податоците на Форумот на белградските гимназии, целосно или делумно е прекината работата во 19 гимназии во главниот град, соопшти Форумот.
За нив инспекциските служби организираат „одреди за пречек“ со поддршка на родителите, а нивните извештаи за состојбите во училиштата допрва треба да пристигнат.
Од просветните работници стигнуваат пораки дека нема да се откажат, а од Министерството за образование, заканувачки предупредувања.
Министерката за образование Славица Ѓукиќ Дејановиќ изјави дека поради состојбите во образованието, најверојатно ќе биде потребно продолжување на учебната година, а поради неможноста да се организира матурата во предвидениот рок, таа морала да се одложи.
Ѓукиќ Дејановиќ наведува дека годинава е невозможно матурата да се организира во предвидениот термин, па затоа морало да се одложи.
Таа ги предупреди наставниците дека согласно нивното постапување ќе следуваат суспензии, казни и во краен случај отказ.
Д. Т. / Цивил Медиа
