Илон Маск сподели лажна објава на неговата страница на социјалната мрежи X во негова сопственост, за тоа дека американската агенција за меѓународен развој (УСАИД) наводно финансирала посети на познати западни личности во Украина.
Маск ја реобјави страницата I Meme And I Am, која објави видео со наводна приказна на американското издание на E! Вести со натпис: „Дали знаевте дека УСАИД ги потроши вашите даночни долари за финансирање патувања на познати личности во Украина за да ја зголеми популарноста на Зеленски меѓу Американците?
Did you know that USAID spent your tax dollars to fund celebrity trips to Ukraine, all to boost Zelensky’s popularity among Americans?🤯 pic.twitter.com/8VCZ43UGLs
— I Meme Therefore I Am 🇺🇸 (@ImMeme0) February 5, 2025
Ова го привлече вниманието на украинскиот центар за борба против дезинформации, како и на американскиот актер Бен Стилер, кој ја посети Украина.
Украинскиот центар за борба против дезинформации го отфрли тврдењето како лажно, истакнувајќи дека наводниот напис во објавата засилена од Маск не постоел на веб-страницата за вести Е! Вести, а информациите што се емитува е „изум на руски производители на лажни вести“.
Дека ваквите тврдења се невистинити потврди и американскиот актер и продуцент Бен Стилер кој се појавува во лажното видеото.
„Целосно сам го финансирав моето хуманитарно патување во Украина. Немаше финансирање од УСАИД и секако никакво плаќање“, објави Стилер на X, додавајќи дека тврдењата се „100 проценти лажни“.
These are lies coming from Russian media. I completely self-funded my humanitarian trip to Ukraine. There was no funding from USAID and certainly no payment of any kind.
💯 percent false. https://t.co/EFBPmrFQJ6
— Ben Stiller (@BenStiller) February 5, 2025
Стилер се состана со украинските семејства погодени од руската војна во Украина при патувањето во земјата во јуни 2022 година, во улога на амбасадор на добра волја на Високиот комесаријат за бегалци на Обединетите нации (УНХЦР),
Драган Мишев / Цивил Медиа
