Ирската музичка икона и кралица на електронската инди поп, Розин Марфи, ќе одржи уникатен концерт на 7-ми јуни во Белград. Овој спектакуларен настан ќе се одржи во OpenAir Corner.
Во последните три децении, Розин Марфи беше во првите редови на авангардната електронска поп сцена. Родена во Ирска, љубовта кон музиката ја развила во тинејџерските години откако се преселила во Манчестер. Нејзиниот подем на музичката сцена започна кога го запозна басистот Марк Брајдон, со кого го формираа бендот Молоко. Бендот стекна глобална популарност со хитовите како „Sing It Back“ и „The Time Is Now“, пред да се распадне во 2004 година.
По завршувањето на работата со Молока, таа започна успешна соло кариера што резултираше со шест инспиративни албуми до денес, вклучувајќи го и „Róisín Machine“ од 2020 година, кој постигна огромен успех. Нејзиниот последен албум „Hit Parade“ од 2023 година, на кој соработуваше со германскиот продуцент Диџеј Козе, стигна до #5 на британската табела за албуми, што е нејзиниот најголем успех на таа топ листа. Албумот ги освои критичарите и го инспирираше објавувањето на „Hit Parade Remixes“.
Билетите за концертот, се достапни преку платформата cooltix.rs, како и на сите физички продажни места на Gigstix и Ticket Vision во Србија.
Ј. Ѓ.
