Пишува: АНДРЕЈ ЖЕРНОВСКИ
Повеќе пати укажував(ме) на исклучутелно штетниот и ризичен, поточно коцкарски начин на водење на надворешната политика од страна на актуелната влада. Нивното крајно непотребно и неразумно отфрлање на ЕУ, во комбинација со недоветното популистичко додворување кон Трамп не’ турнаа во оваа состојба, во која Брисел не’ отпишува, а Вашингтон не не’ запишува.
САД ни воведоа 33 % царини за увоз од Македонија, што значи дека владините не-знам-веќе-колку туристички прошетки до Вашингтон во бизнис класа не вродија со никаков резултат. Напротив!
Чекаме одговор од Мицковски и Муцунски, кои катадневно не’ уверуваа дека “со новата администрација на Трамп имаме историски односи” и дека “доаѓа новото нормално во кое сме го запоседнале Вашингтон”.
