Комесарката за проширување на ЕУ, Марта Кос, денеска ја посети железничката станица во Нови Сад и положи цвеќе на местото каде што се урна бетонска настрешница на 1 ноември минатата година, при што загинаа 16 лица.
Таа на својот X профил изјави дека дошла во Нови Сад за да им оддаде почит на 16-те жртви на „трагедијата што можеше да се спречена“.
„Моето срце е со жртвите и нивните семејства“, напиша таа.
I came to Novi Sad to honour the 16 lives that were lost in a tragedy that could have been prevented.
My heart goes out to the victims and their families. pic.twitter.com/6KYUNsbjmg
— Marta Kos (@MartaKosEU) April 30, 2025
Кос денес ја завршува својата дводневна посета на Србија. Денеска таа ќе има средби со претставниците на опозициските парламентарни групи, а потоа и со претставниците на партиите што ја сочинуваат владејачката коалиција.
Таа вчера се сретна со претседателот на Србија, Александар Вучиќ, со премиерот Ѓуро Мацут и со претседателката на Собранието, Ана Брнабиќ.
