Истакнат командант на Хамас Мехран Мустафа Баџур е убиен денеска во израелски воздушен напад во северниот крајбрежен град Триполи во Либан, соопшти израелската војска.
Според ИДФ, Баџур во последниве години извршил бројни напади врз Израел. За време на војната, тој ги предводел ракетните напади од Либан кон Нахарија, Кирјат Шмона и други израелски градови.
– Баџур служеше како еден од клучните команданти на Хамас во Либан, и како дел од неговата улога, помина години во воспоставување на воените капацитети на Хамас во Либан, се вели во соопштението на ИДФ.
– Дополнително, тој беше еден од лидерите одговорни за напорите за зајакнување на силите на терористичките организации и го олесни купувањето оружје преку неговите врски со други терористички организации во областа, се додава во соопштението.
ИДФ наведува дека неговото убиство е „значаен удар“ за активностите во Либан на терористичката група чие седиште е во Газа.
