Полесно повредени се 12 лица, откако доцна синоќа паркиран џип на нагорнина, веројатно затоа што не била подигната рачната сопирачка, почнал да се движи и удрил во летната тераса на ресторан полн со гости во центарот на Атина, јави дописничката на МИА од Атина.
Според информациите, инцидентот се случил кусо пред 1 часот по полноќ во моменти кога во ресторанот имало околу 30-ина гости, а сопственикот на џипот пристигнал пред ресторанот и побарал од лицето задолжено за паркирање на возилата да го паркира и кој веројатно не ја подигнал рачната сопирачка.
Џипот бил паркиран на нагорнина, во непосредна близина на ресторанот и почнал неконтролирано да се движи во рикверц со резултат полесно да бидат повредени 12 лица, кои веднаш биле пренесени во болница.
