Шпанскиот премиер Педро Санчез изјави дека повторно ќе се кандидира за премиер во 2027 година, и покрај анкетите што покажуваат дека неговата Социјалистичка партија ќе има тешкотии да освои мнозинство во шпанскиот Парламент.
„Дефинитивно ќе го направам тоа“, рече Санчез во интервју за Блумберг, наведувајќи дека веќе се договорил за одлуката со своето семејство и партијата.
Шпанскиот премиер рече дека е уверен дека повторно може да обезбеди парламентарно мнозинство.
Санчез е на чело на владата од 2018 година и претседава со една од најбрзорастечките економии во еврозоната, но се соочува со фрагментиран парламент и корупциски скандали во врвот на неговата партија, наведува Блумберг.
Анкетите сугерираат дека конзервативната Народна партија и крајно десничарската Вокс би можеле да освојат апсолутно мнозинство на следните избори.
