Малку холивудски ѕвезди можат да се пофалат со богата соработка со толку многу великански имиња како Леонардо ди Каприо. Во кариера подолга од три децении, 51-годишниот оскаровец играл рамо до рамо со речиси секоја значајна фигура во филмската индустрија. Но, како што открива, само едно име стои највисоко на неговата лична листа.
Првиот филмски пресврт – и првиот идол
Пред светот да го запамети по улогите во „Што го мачи Гилберт Грејп“ и „Ромео + Јулија“, Ди Каприо ја добил својата прва поголема шанса како тинејџер во драмата „Животот на ова момче“. Токму таму работел со актер кој останал негов ненадминлив фаворит – Роберт Де Ниро.
„Имав 15 години и се сеќавам на секој детал. Сè ми беше ново“, изјави ДиКаприо, додавајќи дека токму Де Ниро лично го избрал за улогата, чекор што му ја отвори вратата за кариерата што трае повеќе од 30 години.
Непроценлива лекција од мајсторот
Ди Каприо вели дека од Де Ниро научил многу повеќе од глума – го видел неговиот процес и посветеност одблизу. Де Ниро беше веќе легенда благодарение на улогата во „Таксист“ (1976), филм што остави длабока трага во историјата на киното.
„Да го гледам Роберт Де Ниро на сет, да ја видам неговата посветеност – тоа беше едно од највлијателните искуства во мојот живот“, изјави ДиКаприо за Time Out.
Реобединување под режисерската палка на Скорсезе
Двајцата повторно се сретнале во „Marvin’s Room“ (1996), а потоа и во краткиот филм „Audition“ (2015). Големото повторно спојување се случи во 2023 година во филмот „Убијците на цветната месечина“ на Мартин Скорсезе, режисер со кого и двајцата имаат долга и плодна соработка.
Де Ниро има снимано десет филмови со Скорсезе, а Ди Каприо шест, што ги прави двете најголеми инспирации на режисерот.
