Сите 24 ученички киднапирани од вооружени лица минатата недела во северозападната нигериска држава Кеби се спасени, изјави претседателот на оваа африканска земја Бола Тинубу, цитиран од агенциите.
„Со олеснување објавувам дека сите 24 девојчиња се пронајдени. Сега мора да распоредиме повеќе сили на терен во жариштата за да се осигураме дека нема да има повеќе киднапирања“, рече нигерискиот лидер во писмена изјава.
Девојчињата беа киднапирани на 17 ноември. Во тоа време, полицијата соопшти дека се киднапирани 25 деца, но во изјавата на Тинубу вечерва се вели дека имало 24. Сè уште не се објавени детали за операцијата за спасување.
Нападот во Кеби беше најновиот во серијата масовни киднапирања во Нигерија.
