Американскиот претседател Доналд Трамп синоќа во живо им се обрати на Американците, а во своето 20-минутно излагање најмногу ја нападна поранешната власт и неговиот претходник Џо Бајден.
По набројувањето на сите достигнувања на неговата администрација и лично негови, тој почна со обвинувања на сметка на претходната влада предводена од Џо Бајден
– Во јануари го наследив нередот на Бајден, кој константно се обидувам да го поправам, изјави Трамп, кој ги уверуваше Американците дека состојбата во земјата е добра.
– Ги уверувам сите Американци дека ефектите од нашето големо законодавно достигнување, а тоа е намалувањето на даноците, ќе почнат да се чувствуваат следната година, рече Трамп, кој моментално е поддржан од нешто повеќе од 40 отсто од Американците, додека речиси 55 отсто директно му се противат.
Пред крајот на излагањето, Трамп со пофални зборови зборуваше за големиот спортски настан следната година во земјата – Светското првенство во фудбал, како и за големата прослава во чест на 250-годишнината од Соединетите Американски Држави.
